El Colegio de Larraintzar celebra su particular Semana de la Diversidad basada en el Camino de la Seda - IESO-CP Larraintzako Ikastetxea - Ikasnova

Larraintzarko Ikastetxean aste berezia ospatzen ari gara, non 3DBHko ikasleek Zetaren Bidearen aniztasunari buruzko proiektuetan murgilduko diren. Aste honetan, ikasleek hainbat jarduera interaktibo eta hezigarrietan parte hartuko dute, antzinako merkataritza-ibilbide honen historia eta kultura aberatsa aztertzeko.

Astean zehar, ikasleek honako jarduera hauetan parte hartuko dute:

• Erakusketa: Ikasleek Zetaren Bideari buruzko informazioa bilduko dute eta mapaz osatutako erakusketa bat sortuko dute. Erakusketa hau ikastetxeko beste DBHko ikasleei erakutsiko zaie ikasleek gidatutako bisiten bitartez

• Multimedia azterketa: Antzinako eta gaur egungo Zetaren Bideari buruzko audio, bideo eta testuak aztertuko dituzte, haren eragin globala ulertzeko.

• Ihesa Alboan Esperientzia: Alboan elkartearekin batera, " Ihesa-Break out-a" izeneko jarduera aurrera eramengo dute. Break out-ean gaur egungo hainbat herrialdeetan iheslarien egoera zein den aztertuko dute. Jarduera globala izango da hau, ikasleak erabat murgilduko dituelarik herrialde eta pertsona horien egoeran.

• Jolas tradizionalak eta Txaturanga: Zetaren Bideko jolas tradizionalak eta Txaturanga jokoa ikasi eta praktikatuko dituzte, kultura-trukea eta pentsamendu estrategikoa sustatuz.

• Ibantutaren musika emanaldia: Iban Perret, Ibantuta, musikariak Zetaren Bidean izandako esperientzietatik sortu duen musikaldi dokumentalaz gozatuko dute, bertako musika eta kultura anitzak ezagutzeko.

Proiektu-aste honen helburua ikasleen ikaskuntza aktiboa eta parte-hartzailea sustatzea da, aniztasun kulturalaren eta historiaren garrantziaz jabetzeko.

"Aniztasun aste hau aukera paregabea da gure ikasleek munduaren historia eta kultura anitzak modu interaktibo eta dibertigarri batean ezagutzeko", adierazi du Alvaro Garde zuzendariak. "Zetaren Bidearen historia aztertuz, ikasleek mundu globalizatu honetan kultura ezberdinen arteko harremanen garrantziaz jabetuko dira".

Espero dugu ikasleek modu ludiko honetan ikasi eta gozatzea.

Ekitaldi honi buruzko informazio gehiago nahi izanez gero, jarri harremanetan ikastetxearekin.