Sendabelarrek dakitena – Garbiñe Larrea - IESO-CP Larraintzako Ikastetxea - Ikasnova

DBH 2. mailako ikasleok Garbiñe Larrea naturopataren tailerra jaso dugu asteazken honetan, maiatzaren 24a, Sustraiak Proiektuaren 2023ko jardueren barruan. Bertan, inguru hurbilean topatzen ditugun 7 sendabelar ezberdinen ezaugarriak eta erabilerak landu ditugu, hauek erabilera terapeutikorako ukendu bat ekoizteko baliatuz. Erabili ditugun sendabelarrak honakoak izan dira: intxusaren lorea, azeri buztana, asuna, zaingorria, pasmo belarra, berbena eta santio belarra.  Horretarako prozedura zuzenean ikusteko aukera izateaz gain, idatzita eraman dugu etxera tailerrean jaso dugun informazio erabilgarri guztia, errezetarekin eta ukenduaren lagin batekin batera.