Paris 365

2023/06/14

 

Ikasturtea bukatzear dagoen honetan Paris 365 elkartearen bisita izan dugu ikastetxean. DBHko ikasle guztiek izan dute hitzaldi hau entzuteko aukera eta zinez esanguratsua izan da etorkinek pairatzen dituzten hainbat egoeraren berri izatea. Argi adierazi dute borondatez egindako lana ezinbertzekoa dela gisa honetako elkarte edo proiektuetan, lortu den guztia euren laguntzari esker izan baita. Mamaduk (Paris 365eko erabiltzaile izan den batek) aipatzen zuenez, pertsona orok dugu duin sentitzeko beharra, nahiz eta pobreak izan. Errespetuaren ideia ere aipatu du Mamaduk ezinbertzekoa dena elkarbizitza duin baterako. Hausnarketa gai ederra dugu udari hasiera emateko, lorpen handiak ekintza txikien baitan egon baitaitezke.

 

Mila esker ikastetxera etortzeagatik!